രാജൂന് കിട്ടിയ പണി

Btech പാസായ രാജു ജോലി
അന്വേഷിച്ചു നടക്കുകയായിരുന്നു.
പോയിടത്തെല്ലാം ഓരോരോ കാരണങ്ങൾ
പറഞ്ഞു അയാളെ തിരിച്ചയച്ചു. അങ്ങനെ ജോലി
ഒന്നും കിട്ടാതെ വിഷമിച്ചിരിക്കുമ്പോൾ അയാൾ
ഒരു സർക്കസ് കമ്പനിയുടെ പരസ്യം കണ്ടു. അയാൾ
അവിടെ ചെന്നു. എന്തെങ്കിലും ഒരു ജോലി
തരണമെന്ന് തമ്പുടമയോട് ആവശ്യപ്പെട്ടു. അയാൾ
പറഞ്ഞു,'താൻ പഠിച്ച വിഷയത്തിനു പറ്റിയ
പണിയൊന്നും ഇവിടെയില്ല. വൃത്തിയാക്കാനും
ഭക്ഷണം വെയ്ക്കാനും ഇവിടെ ആവശ്യത്തിനു
ആളുണ്ട്. തൽക്കാലം തനിക്കു തരാൻ ഇവിടെ ഒരു
പണിയുമില്ല..' അയാൾ അത് കേട്ട് വിഷമിച്ച്
തിരിച്ച് പോകാനൊരുങ്ങി. അപ്പോൾ തമ്പുടമ
അയാളെ വിളിച്ചു എന്നിട്ട് ചോദിച്ചു,'തനിക്ക് ഒരു
കുരങ്ങന്റെ വേഷം കെട്ടാമൊ? ഇവിടുത്തെ
ഒരെണ്ണം ചത്തു പോയി. അഭ്യാസമൊക്കെ
പഠിപ്പിക്കാൻ ഇവിടെ ആളുണ്ട്. തന്നെ കണ്ടാൽ
തിരിച്ചറിയാത്ത വിധം Make Up ഇടാനും ഇവിടെ
ആളുണ്ട്. തനിക്ക് ഒരു പേടിയും വേണ്ട...' അയാൾ
ഒന്ന് ആലോചിച്ചു, 'എന്തായാലും പഠിച്ച
വിഷയത്തിനു ജോലി കിട്ടുന്നില്ല. ഇവിടെ
നിന്നാൽ കുറച്ച് പൈസയെങ്കിലും കിട്ടും.
വെറുതെ വീട്ടിലിരുന്ന് അപ്പന്റെയും അമ്മയുടെയും
വായിലിരിക്കുന്നത് കേൾക്കണ്ട. കുരങ്ങനെങ്കിൽ
കുരങ്ങൻ'. അങ്ങനെ അയാൾ സമ്മതിച്ചു. കുരങ്ങന്റെ
വേഷം ധരിച്ച് അയാൾ കണ്ണാടിയിൽ
നോക്കിയപ്പോൾ കിടുങ്ങിപ്പോയി. ശരിക്കും ഒരു
കുരങ്ങൻ! ഇനി അല്ല എന്ന് പറഞ്ഞ്
വിശ്വസിപ്പിക്കാനേ പറ്റുള്ളു. അത്രയ്ക്ക് Perfection
ഒരു കുരങ്ങനു പോലും ചിലപ്പൊ തന്നെ
തിരിച്ചറിയാൻ പറ്റില്ല എന്ന് വരും. അങ്ങനെ
അയാൾ സർക്കസിൽ ആളുകളെ കുരങ്ങനായി
കൈയിലെടുത്തു. അങ്ങനെയിരിക്കെ ഒരു ദിവസം
കളിച്ചു കൊണ്ടിരിക്കുമ്പോൾ അയാൾ നില
തെറ്റി സിംഹത്തിന്റെ പുറത്തേക്ക് വീണു...
അയാൾ പെട്ടെന്ന് ചാടി എഴുന്നേറ്റു. സിംഹം
അയാളെ തന്നെ നോക്കി നിൽക്കുകയാണ്.
അയാൾ പേടിച്ചു വിറച്ചു. കാണികൾക്ക്
അറിയില്ല കുരങ്ങൻ ശരിക്കും മനുഷ്യനാണെന്ന്.
സിംഹം പതിയെ അയാളുടെ അടുത്തേക്ക്
നീങ്ങി... കാണികളെല്ലാം ശ്വാസമടക്കിപ്പി
ടിച്ചിരിക്കുകയാണ്.
.തന്റെ കാര്യത്തിനു ഏതാണ്ട് ഒരു തീരുമാനമായി
എന്ന് അയാൾക്ക് മനസ്സിലായി
.
. സിംഹം അടുത്തുവന്നു. എന്നിട്ട് തല താഴ്ത്തിയിട്ടു
പറഞ്ഞു,
.
.
'എടാ രാജൂ, ഇത് ഞാനാടാ ഹമീദ് നിന്റെ
സീനിയർ, B.tech 2010 ബാച്ച്...... 😛